မွေးနေ့ ဝိဇာတမင်္ဂလာ တရား

မွေးနေ့ပွဲဆိုတာကတော့ သေမင်းကိုလက်ထောက်ချနေသလိုကြီး ဖြစ်နေမယ်။ "ဇာတိ ပိ ဒုက္ခာ"လို့ဘုရားကဟောထားလေတော့ "မွေးနေ့"ဆိုတာ သစ္စာတရားအရကြည့်ရင်လဲ ဒုက္ခနေ့ကြီးဖြစ်နေတယ်။ အဲဒီတော့ ခုပွဲကို"မွေးနေ့သစ္စာ"လို့လဲ လုပ်လို့မဖြစ်ဘူး၊"မွေးနေ့ဝိဇာတမင်္ဂလာ"လို့ပဲ လုပ်ထာကောင်းပါတယ်။ မင်္ဂလာဆိုတဲ့အတိုင်း မင်္ဂလာရှိအောင်ဆိုရင်- (၁)ဘာ့ကြောင့် မွေးလာသလဲ? (၂)ဘယ်သူကမွေးပေးတာလဲ? (၃)ဘာအဖြစ်နဲ့ မွေးလာသလဲ? ဒီသုံးခုကို စဉ်းစားရမယ်။ (၁)ဘာ့ကြောင့်မွေးလာသလဲ-ဆိုရင်.. ဗုဒ္ဓဘာသာဝင်များပီပီ "အတိတ်က သုဂတိလူ့ဘုံနဲ့တန်တဲ့ ကုသိုလ်ကံရှိလို့ သုဂတိလူ့ဘုံမှာ မွေးဖွားလာရတာ"ဆိုတာကို ဆင်ခြင်သိရမှာပေါ့။ ကုသိုလ်ကံဟာ သုဂတိဘုံသားရဲ့ အတိတ်မိဖပဲ။ ကုသိုလ်ကံဆိုတာ ခုခေတ် တိုးတက်တဲ့ နိုင်ငံတိုင်းမှာသုံနေကြတဲ့"ခရက်ဒစ်"ဆိုတဲ့ ကပ်လိုပဲ-စထည့်ထားတဲ့ပိုက်ဆံဟာ သုံးရင် ကုန်လိုက်နေတာ၊ ထပ်ထပ်ဖြည့်မပေးရင် ကြာတော့ ကုန်သွားတာပဲ၊ မကုန်စေချင်ရင် ထပ်ထပ်ဖြည့်ထားရတယ်။ ခု-မွေးနေ့ကုသိုလ်ဆိုတာ" ကံခရက်ဒစ် ဖြည့်နေတာပဲ"လို့သဘောပေါက်ရင်- "ပုဗ္ဗေကတပုညမင်္ဂလာ"လာကျေးဇူးဆပ်ပွဲ ဖြစ်သွားတာပေါ့။ ဒီအတိတ်မိဖကျေးဇူးကိုလဲ မမေ့မှ တန်ကာကျမယ်၊ "အပ္ပမာဒေန သမ္ပာဒေထ"လို့ နေ့စဉ် ဘုရားရှင်တိုက်တွန်းနေတာ ဒါ့ကြောင့်။ <<<<<>>>>> (၂)ဘယ်သူကမွေဖွားပေးသလဲ? ဒါကတော့ အားလုံးသိနေတာပဲ၊မိဖနှစ်ပါးကပေါ့၊ ဒီပစ္စုပ္ပန်မိဖနှစ်ပါးရဲ့ကျေးဇူးကိုလဲ မပြတ် သတိရပေးဆပ်နေရမယ်။ ဒါမှ ဒီနေ့ပွဲဟာ"မာတာပိတုဥပဋ္ဌာနမင်္ဂလာ"လဲ ပါသွားမယ်။ ဒီ-မာတာပိတုဥပဋ္ဌာနမင်္ဂလာ"ဟာ ဗုဒ္ဓဘာသာနိုင်ငံနဲ့လူမျိုးတို့အတွက် ကမ္ဘာက လိုက်မမီသေးတဲ့ သီးခြား ဝိသေသမင်္ဂလာကြီး။ တိုးတက်ပါတယ်ဆိုတဲ့နိုင်ငံကြီးတွေမှာ တခြားအရာတွေ အလွန်တိုးတက်ပေမယ့် မာတာပိတုဥပဋ္ဌာနမင်္ဂလာ အလွန်ချို့တဲ့တယ်။ ၁၈-နှစ်ပြည်တာနဲ့ သားသမီးတွေက လမ်းခွဲသွားလို့ရပြီ-ဆိုတော့ အသက်အရွယ်ကြီးသူတွေ အထည်းကျန်ကြရတယ်။ ဗုဒ္ဓတရားတော်မှာလို- "တယောက်ထည်းပင်,စွမ်းအင်အပြည့်, တည့်လိုဘိ,သတိဖြင့်သာနေ"ဆိုတဲ့ သတိပဋ္ဌာန်ဘာဝနာဆိုတာလဲ ဟောမထားလို့ အလေ့အထမရှိကြတော့- အရက်ကလေးတမြမြ၊ဝိုင်,ဘီယာလေးတမြမြတွေ ဖြစ်ကုန်ကြရော။ ကြားဖူးကြလား ဒီမင်္ဂပျက်ကွက်သူတွေအတွက် မဃဒေဝလင်္ကာမှာ မာန်လည်ဆရာတော်ကြီးက- "ကတညုတ,ကတဝေဒိ,မသိတတ်သူ, လူမသမာ,ထိုများစွာတို့,ဥစ္စာစီးပွား, လျော့ပါးယိမ်းယိုင်,မြဲမခိုင်ဘူး, ဓမ္မကရိုဏ်စစ်ရေ,ကျဖျားရေသို့, သရေမတိုး,ဘုန်းရောင်ညှိုးလျှက်, တန်ခိုးနေ့ည,ဆုတ်တတ်စွာ၏"လို့ဆိုထားတယ်လေ။ ဒါကြောင့် ဒီနေ့မွေးနေ့မင်္ဂလာဟာ- ကမ္ဘာ့အဆင့်လွန် ဗုဒ္ဓဘာသာဝင်တို့ရဲ့ ဂုဏ်ထူးဆောင်မင်္ဂလာဖြစ်တဲ့- "မာတာပိတုဥပဋ္ဌာနမင်္ဂလာ"ပါမှ တကယ့်မွေးနေ့မင်္ဂလာအစစ်ဖြစ်မယ်-ဆိုတာလဲ မမေ့ကြနဲ့၊ပါရမယ်၊ပါပေ့စေ။ <<<<<>>>>> (၃)ဘာအဖြစ်နဲ့မွေးဖွားလာသလဲ? ဒါကလဲ သိပ်ကိုအရေးကြီးတယ်၊ "လူအဖြစ်နဲ့ မွေးလာတာပေါ့"တင်လုပ်လို့ မဖြစ်ဘူး၊ "တိဟိတ်လူသားအဖြစ် မွေးဖွားလာတယ်" ဆိုတာကို ဆင်ခြင်သတိထးရမယ်။ "တိဟိတ်"ဆိုတာ"ဉာဏ်မျိုးစေ့ပါတယ်"လို့ ပြောတာ။ ကြီးထွားတတ်တဲ့အရာတိုင်းမှာ မျိုးစေ့က အမှန်အကန်ရှိဖို့အရေးအကြီးဆုံး၊ တိုးပွားတတ်တဲ့အရာမှာ အရင်းအနှီးက အမှန်အကန်ရှိဖို့ အရေးအကြီးဆုံး။ မျိုးစေ့ဆိုတာ ရှိလာပြီဆိုရံနဲ့ ဒီအတိုင်းထားလို့ ရတာမဟုတ်ဘူး၊ ဒီအတိုင်းထားလို့ နှစ်ကျော်သွားရင် ပေါက်ရောက်ကြီးထွားဖို့ မဖြစ်တော့ဘူး၊"ဒိတ်အောက်သွားတယ်"ဆိုတာမျိုး ဖြစ်သွားမယ်။ အားလုံးကြားဖူးကြတဲ့"ကုဋေရှစ်ဆယ် သူဋ္ဌေးသား" တို့လိုမျိုးပေါ့။ လူမှာပါတဲ့ဉာဏ်မျိုးစေ့လေးဆိုတာ- အမျိုးသမီးများ လည်ဆွဲအဖြစ်ဝတ်ဆင်ကြတဲ့ "ခရမ်းစွဲ"ဆိုတဲ့ကျောက်လေးလိုပဲ၊ အရည်စွဲလေးပဲပါတာ၊ ခရမ်းစွဲရည်ပါတဲ့ကျောက်က တကယ်တော့ စလင်းကျောက်ပါပဲ၊"ခရမ်းစလင်းစွဲ"လို့ ခေါ်ကြပါတယ်။ အဲဒီကျောက်ကလေးကို ကျွမ်းကျင်တဲ့ပညာရှင်က "ဝန်း"တည့်အောင် ရွေးပြီးမှ အကွက်ဖေါ်သွေးပေးလိုက်တဲ့အခါ မျက်နှာပြင်တခုလုံး ခရမ်းရောင်ပြည့်လာပြီး လည်ဆွဲရတနာလုပ်လို့ ရလာတော့ တန်ဖိုးရှိလာတာပေါ့။ ချွန်းတို့ ဝန်းတို့ဆိုတာ မိုးကုတ်ဘက်က ကျောက်မြက်ပညာရှင်တွေရဲ့ဝေါဟာရပါ။ အရည်စွဲ ဘယ်လောက်ကောင်းနေနေ ချွန်းနဲ့ဝန်း ချိန်ဆမှုလွဲသားရင် အကွက်ဖေါ်လို့ မရတော့ဘူး၊သွေးလေပျက်လေ ဖြစ်သွားရော။ လူမှာပါတဲ့"ဉာဏ်ရည်လေး"ကလဲ အဲလိုပဲ၊ ပထမဆုံး အရေးကြီးတာက- ဉာဏ်ရည်ကို ချွန်းဝန်းတည့်မတ်မှန်ကန်အောင် ချိန်တာ တည့်မတ်မှန်ကန်ဖို့ သိပ်ကိုအရေးကြီး ပါတယ်။ "သုံးပါးရတနာ,မိဖများနဲ့,ဆရာသမားကို ပူဇော်လေ"ဆိုတဲ့မင်္ဂလာဟာ ကိုယ့်ဉာဏ်ရည်လေးတွေကို "ဝန်း"တည့်မတ်မှန်ကန်ရေး မင်္ဂလာပါပဲ။ ဝန်းအချိန်မှားသွားရင်- "ဘုရားရှင်တော်,မပွင့်ပေါ်က,လူတော်အများ, စိတ်ကောင်းထားလဲ၊ ဤကားကုသိုလ်,အကုသိုလ်နှင့်,ထိုထိုဘုံဘဝ, မသိရ,များလှအပြစ်တွေ"ဆိုတဲ့ တောင်မြိုး မဟာဂန္ဓာရုံဆရာတော်ကြီး လင်္ကာအတိုင်း - အကိုးကွယ်မှားလေ အကုသိုလ်ပွားလေ ဖြစ်သွားကြပြီး အယူဝါဒ အစွန်းရောက်တွေအဖြစ်နဲ့ လောကကြီးအတွက်ပါ အန္တရာယ်များသွား ပါလိမ့်မယ်။ ဉာဏ်ရည်တွေ ချွန်းဝန်းမမှန်ဘဲ ဉာဏ်နီဉာဏ်နက်တွေဖြစ်ကုန်ကြသူတို့ရဲ့ ဒုက္ခပေးပုံကို ရွှေပြည်ကြီးသားတို့လဲ ကောင်းကောင်းကြီးခံစားဖူးကြပြီးသားပါ။ သဗ္ဗညုဘုရားတဆူပွင့်လာတာဟာ လူ့ဉာဏရည်ဉာဏ်သွေးလေးကို စနစ်တကျ ဝန်းဖေါ် အကွက်ချပေးဖို့ပါပဲ။ ဝန်းအရွေးမှန်မှလဲ အကွက်ချတိုင်း အရည်တက်ပြီး ရတနာအဆင့်ရောက်လာမှာ၊ လူ့ဉာဏ်ရည်ဟာ ခရမ်းစွဲထက် အများကြီး ကွာတယ်၊သာတယ်။ ခရမ်းစွဲလ ဘယ်လောက်ပုံဖေါ်မှန်မှန် ကျောက်မြက်အစစ်အဆင့်အထိ မရောက်နိုင်ဘူး၊ သုံးဖြစ်ရုံပဲရှိမယ်။ လူ့ဉာဏ်ရည်စွဲက ချွန်းဝန်းတည့်လို့ "အတ္တသမ္မာပဏိဓိ"မင်္ဂလာဖြစ်အောင် သီလ,သမာဓိ,ပညာ- အကွက်ဖေါ်မှန်သွားရင် အရိယာသံဃာရတနာအစစ်အထိ ဖြစ်နိုင်ပြီး "နိဗ္ဗာန သစ္ဆိကိရိယာ"မင်္ဂလာအထိ ပြည့်သွားနိုင်တယ်။ "ဘုရားရှင်တော်,ပွင့်ထွန်းပေါ်၍, ဟောဖေါ်ညွှန်ကြား,မြတ်တရားကြောင့်၊ ဤကားကုသိုလ်,အကုသိုလ်နှင့်, ထိုထိုဘုံဘဝ,သိကြရ,များလှကျေးဇူးတွေ" ဆိုတဲ့အတိုင်းပေါ့။ ဒါကြောင့် ခုမွေးနေ့မင်္ဂလာဟာ ရတနာသုံးပါးဦးထိပ်ထားပြီး တရားဓမ္မနာယူ,မှတ်သား လိုက်နာ,ကျင့်သုံးတဲ့ "အတ္တသမ္မာပဏိဓိမင်္ဂလာ"တည်ဆောက်ကြိုးစားတယ်-လို့ခံယူပြုလုပ် အားထုတ်ခြင်းဖြင့် "နိဗ္ဗာနသစ္ဆိကိရိယမင်္ဂလာ"အထိ ပြည့်စုံနိုင်ကြပါစေ...! အပ့မာဒေန သမ္ပာဒေထ...! (၁.၁၂.၁၅-နေ့၊လမ်းသစ်ရိပ်သာ၊ ဗွီဒီယို မောင်ကလားကြီးရဲ့မိခင်၊ ဒေါ်ဌေးဌေး အသက်(၆၀)ပြည့်မွေးနေ့၊ အနုမောဒနာတရား) ***************************** ¥¥¥¥¥¥¥¥¥¥¥¥¥¥¥¥¥¥¥¥¥¥¥ ဓမဘေရီဆရာတော်၏fbမှ ကူးယူသည်။ https://web.facebook.com/profile.php?id=100009267797242