ဘဝမှာ အနှစ်သာရရှိတာနဲ့ အနှစ်သာရမရှိတာ
ခွဲခြားသိသင့်တယ်။ဘယ်ဟာ အနှစ်သာရရှိပြီး၊
ဘယ်ဟာက အနှစ်သာရ မရှိတုန်းလို့ဆို အကြမ်းဖျင်း
နည်းနည်းစဉ်းစားကြည့်ပေါ့။
ကိုယ်ရထားတဲ့ ရုပ်ခန္ဓာ မိခင်ဝမ်းထဲဖြစ်လာတဲ့ အချိန်ကစပြီး
တစ်နေ့တစ်ခြား တစ်ဆင့်ဆင့်ကြီးထွား၊တစ်ဆင့်ထက်
တစ်ဆင့် အိုအို လာ၊ နောက်ဆုံး အိုမင်းရင့်ရော်လာ၊
တစ်နေ့ထက်တစ်နေ့ အိုအိုလာတယ်။
ခန္ဓာကိုယ်ကြီးဟာ တစ်နေ့ကျတော့ ပျက်စီးသွားတယ်။
လူ့ခန္ဓာကိုယ်ထဲမှာ အနှစ်သာရဆိုတာ ဘာတစ်ခုမှမရှိဘူး။
သိမ်းထားစရာ ဘာမှမရှိဘူး။
၁၀-နှစ်နေရမယ့် ပုဂ္ဂိုလ်၊ ၁၀-နှစ်နေပြီးသေသွားရင်
ဒီရုပ်ခန္ဓာကိုယ်ကြီးဟာ အသက်နဲ့ခန္ဓာ ကွဲသွားတာနဲ့
တပြိုင်နက် အသုံးဝင်မှု ရပ်ဆိုင်းသွားတယ်။
သူ့ရဲ့ အတိုင်းအတာတစ်ခု အသက်(၆၀)၊ (၇၀)၊ (၈၀)။
အသက်နဲ့ ခန္ဓာကိုယ် အိုးစားကွဲသွားတာနဲ့ ဟောဒီ
ရုပ်ခန္ဓာကြီးမှာ ယူပြီး သိမ်းထားစရာ ဘာမှမရှိဘူး။
မြတ်မြတ်နိုးနိုးနဲ့ သိမ်းထားစရာ မရှိဘူး။
အားလုံး ပစ်လိုက်ရမှာချည့်ပဲ။
လူ့ခန္ဓာကိုယ်ထဲကနေ မပစ်လိုက်ရတာဆိုတာ
ဘာတစ်ခုမှ မရှိဘူး။အားလုံး ပစ်လိုက်ရမှာချည့်ပဲ။
အသက်ရှင်တုန်းမှာတော့ တန်ဖိုးရှိသလို ဖြစ်ပြီးတော့
အသက်နှင့် ခန္ဓာကိုယ်ကွဲသွားပြီဆိုတာနဲ့တပြိုင်နက်
ဘာမှ တန်ဖိုးမရှိတော့ဘူး။ ချစ်ခင်လှပါတယ်ဆိုတဲ့
မိသားစုကတောင်မှ အိမ်မှာကြာကြာ မထားနိုင်ကြပါဘူး။
ဒါ သဘာဝပဲ။ အဲဒီ ရုပ်ခန္ဓာကိုယ်ကြီးမှာ အနှစ်ရှာမယ်
ဆိုရင် လုံးဝမတွေ့နိုင်ဘူး။ဘာမှ မတွေ့နိုင်ဘူး။
“နာမ်” ထဲမှာ အနှစ်ရှာအုံးမလားဆိုတော့
နာမ် ဆိုတာ အခုဖြစ်ပြီး အခုချက်ခြင်းပျက်သွားတာ ဆိုတော့
သူ့ကို အနှစ်ရှာဖို့ဟာ အလွန်ခက်တယ်။ အနှစ်သာရ
ဆိုတာ ဘာမှမရှိဘူး။ နာမ်ဆိုတာ တစ်ခဏလေး အတွင်းမှာ
ဖြစ်ပျက်သွားတာ။ အနှစ်သာရပြောစရာ ခန္ဓာကိုယ်ကြီးမှာ
တစ်ခုမှ မရှိဘူး။ နာမ်ထဲမှာလည်း ဖြစ်တာမြန်လို့ အနှစ်သာရ
ဆိုတာ ဘာမှမရှိဘူး။ သို့သော် နာမ်တရားကို မှီဖြစ်တဲ့
အနှစ်သာရလေးကို ရအောင် ယူနိုင်မယ်ဆိုလို့ ရှိရင်တော့
ခန္ဓာကိုယ်ထဲက အနှစ်ကို ထုတ်ယူလို့ ရနိုင်သေးတယ်လို့။
အနှစ်နဲ့ အကာကို ခွဲခြားပြီး သိမယ်ဆိုလို့ ရှိရင် အကာအတွက်
အချိန်များများ မပေးတော့ဘူး။ အနှစ်သာရ ရဖို့အတွက်
အချိန်များများပေးရမယ်။
တကယ့် အနှစ်သာရက ကိုယ့်ကျင့်တရားသာ ဖြစ်တယ်။
အဲဒီ အနှစ်သာရလေးကို ဖျက်ပြီးတော့ ဘာမှအနှစ်
မရှိတဲ့ ခန္ဓာကြီးအတွက် သီလတွေ ရပ်နားပြီးတော့
အနှစ်သာရကိုဖယ်ရှားပြီး အနှစ်မဲ့တဲ့အရာကို ယူတယ်။
ထို့အတူပဲ အကုသိုလ်ဖြစ်တာ ကြည့်မယ်ဆိုရင်
အကာအတွက် အကုသိုလ်ဖြစ်တာများတယ်။
အနှစ်သာရ အတွက် အကုသိုလ်ဖြစ်တာနည်းတယ်။
ဘယ်ဟာက အကာ၊ ဘယ်ဟာက အနှစ် ဆိုတာ
သိဖို့ လိုတယ်။သိလာပြီးတဲ့နောက်မှာ အကာကို ဂရုမစိုက်ဘဲနဲ့
အနှစ်သာရကို ရအောင်ယူတတ်ဖို့ အနှစ်သာရမှ
ရအောင် မယူတတ်ဘူးဆိုရင် နောက်ဆုံးမှာ ဘာမှ
မကျန်ရစ်တဲ့ အနေအထားမျိုး ရောက်မယ်။
အကာကို ခင်တွယ်နေတဲ့အတွက်ကြောင့် အနှစ်မရဘူး။
အကာကြီးကလဲ ကိုယ်ခင်တွယ်ပြီးနောက် စွန့်ပစ်ရမယ့်
အနေအထားမျိုးရောက်သွားတယ်။ ကိုယ်ဘာမှ
မရတဲ့ အနေအထားဖြစ်တယ်။
ဒါကြောင့်မို့လို့ မြတ်စွာဘုရားက
အဂုင်္တ္တရ နိကာယ်၊ဝဍ္ဎိသုတ္တန်မှာ ဟောထားတယ်။
ဘဝမှာရနိုင်တဲ့ အနှစ်တွေက ဘာတွေလဲဆိုရင်
သဒ္ဓါဆိုတဲ့ အနှစ်၊ သီလဆိုတဲ့ အနှစ်၊
သုတဆိုတဲ့ဘုရားဟောထားတဲ့ တရားဒေသနာ
ကြားနာမှုအနှစ်၊စာဂလို့ ဆိုတဲ့ စွန့်လွှတ်မှု၊
လှူဒါန်းပေးကမ်းနိုင်မှု အနှစ်၊
ပညာ လို့ ဆိုတဲ့ အနှစ်၊
နာမ်တရားထဲမှာ ဒီ အနှစ်သာရတွေ
ရှိပြီးတော့ နေတယ်။
သို့သော် အနှစ်ဟာ ထုတ်မယူတတ်လို့ ရှိရင်
မရပါဘူး။ ထုတ်မယူတတ်လို့ ရှိရင် အကာပဲ ရမယ်။
ဆိုပါစို့-သစ်ပင်တစ်ပင်ရဲ့ အနှစ်ဟာ အကာတွေ ဖုံးထားတဲ့
အတွင်းမှာ ရှိတယ်။ အရွက်ထဲမှာလည်း မရှိဘူး။
အခက်ထဲမှာလည်း မရှိဘူး။ ပင်စည်ထဲမှာသာ ရှိတယ်။
အနှစ်ရှိတဲ့နေရာကို သိပြီး အဲဒီအနှစ်ကို ယူတတ်ဖို့
အရေးကြီးတယ်။ မိမိ ရုပ်ခန္ဓာကိုယ်ထဲမှာလည်း
အနှစ်မရှိဘူး။ အပေါ်ယံနာမ်မှာလည်း အနှစ် မရှိဘူး။
နာမ်ကိုမှီပြီး ဖြစ်ပေါ်လာတဲ့ သဘာဝတရားမှာသာ
အနှစ်တွေ ရှိတယ်။ အဲဒီ အနှစ်သာရတွေကို ယူတတ်ရင်ရမယ်။
မယူတတ်ဘူးဆိုရင် ရမှာမဟုတ်ဘူး၊ လွတ်သွားမှာ။
-【စာရိုက်ပူဇော်သူ - Admin Team of
Young Buddhist Association】
-【ပါမောက္ခချုပ်ဆရာတော်ဒေါက်တာအရှင်နန္ဒမာလာဘိဝံသ】
Posted by►
www.facebook.com/youngbuddhistassociation.mm
0 comments:
Post a Comment
အသိဥာဏ်ဖြင့် ဘ၀ကို တည်ဆောက်ပါ။