(လက်တကမ်းက ပြည်နိဗ္ဗာန်)

ဒါနလှည်းလေး စီးလို့ရယ်
နိဗ္ဗာန်မြို့သို့ သွားစို့ကွယ်
သီလဆိုတာ လက်ရန်းပဲ
လမ်းကောင်းဖို့က ဘာဝနာမြဲ
နိဗ္ဗာန်ဆိုတာ လက်တကမ်းပဲ။
**************++++***************
မိမိတို့ အနေနဲ့ တနေရာကနေ တနေရာကိုသွားတဲ့အခါ ခြေလျင်သွားတာထက်စာရင် ကားတို့လှည်းတို့နဲ့သွားတာက ပိုပြီးတော့သက်သာသလို ကိုယ့်ရောက်ချင်တဲ့နေရာကို အချိန်တိုတိုနဲ့မြန်မြန်ရောက်နိုင်ပါတယ်။

အဲဒီလိုပါပဲ အိုခြင်းနာခြင်းသေခြင်းကင်းရာဖြစ်တဲ့ နိဗ္ဗာန်ကို ဒါနဆိုတဲ့ယာဉ်လေးစီးပြီ သွားမယ်ဆိုရင် သက်သက်သာသာနဲ့မြန်မြန်ရောက်နိုင်ပါတယ်။ဒီနေရာမှာ ဒါနကိုဘာလိုယာဉ်နဲ့ နှိုင်းရတာလည်းဆိုရင် ဒါနတော ဘောဂ၀ါဆိုတဲ့အတိုင်း လှူဒါန်းဒါနပြုတဲ့လူဟာ ဘ၀ဆက်တိုင်စည်းစိမ့်ဥစ္စာနဲ့ပြည်စုံကြပါတယ်။

နိဗ္ဗာန်ရောက်ဖို့ တရားဓမ္မတွေ အားထုတ်တဲ့နေရာမှာ စားဝတ်နေရေပြည့်စုံဖို့လည်းအရေးကြီးပါတယ်။စားဝတ်နေရေးမပြည့်စုံတဲ့ လူတစ်ယောက်ဟာ နိဗ္ဗာန်ရောက်ဖို့ တရားဓမ္မတွေကို ပင်ပင်ပန်းပန်း ကျင့်ကြံရပါလိမ့်မယ်။ဒါကြောင့်ဘ၀ဆက်တိုင်း စည်းစိမ်ဥစ္စာပြည့်စုံကြောင်းဖြစ်တဲ့ ဒါနကို နိဗ္ဗာန်ခရီးသွားအတွက် ယာဉ်နဲ့တူတယ်လိုနှိုင်းယှဉ်ကြတာဖြစ်ပါတယ်

။နောက်တစ်ခုဖြစ်တဲ့ သီလကိုတော့ လက်ရန်းလိုပြောဆိုကြပါတယ်။လှည်းတွေဟာ ကြမ်းတမ်းတဲ့ခရီးတွေ ချောက်ကမ်းပါးလိုနေရာမျိုးတွေကို သွားတဲ့အခါ လူကိုမလိမ့်ကျအောင်ထိန်းထားတဲ့လက်ရန်းဆိုတာရှိပါတယ်။တကယ်တော့ အပါယ်လေးပါဆိုတာ သတ္တ၀ါတွေအတွက် ချောက်နဲ့တူပါတယ်။အပါယ်လေးပါးဆိုတဲ့ချောက်ထဲကို ကိုယ်ကျင့်သီလမလုံခြုံတဲ့သူတွေကျရောက်တက်ပါတယ်။ဒါကြောင့် သီလဆိုတာ နိဗ္ဗာန်ခရီးသွားအတွက် ချောက်ထဲမကျအောင် ကာကွယ်ပေးနိုင်တဲ့ အကာအကွယ်လက်ရန်နဲ့တူပါတယ်။
နောက်တစ်ခုကတော့ ခရီးသွားတယ်ဆိုတာ လမ်းကောင်းဖို့ လမ်းမမှားဖို့လည်းလိုပါတယ်။လမ်းမကောင်းရင် ခရီးမတွင်သလို လမ်းမှာရင်းလည်း ခရီးမရောက်နိုင်ပါဘူး။ဒါကြောင့် လမ်းနဲ့တူတဲ့ ဘာဝနာတရားကလည်း နိဗ္ဗာန်ခရီးသွားအတွက် ဖြောင့်တမ်းဖို့ မမှားယွင်းဖို့လည်းလိုအပ်ပါတယ်။ဒီတရားသုံးပါး မိမိတို့သန္တာန်မှာ ပြည့်စုံနေမယ်ဆိုရင် နိဗ္ဗာန်ဆိုတာ မိမိတို့လက်တကမ်းမှာသာရှိနေမှာပါ။
မေတ္တာဖြင့်
အရှင်တေဇိန္ဒ ဒိုက်ဦး